Sælar stelpur,

 nú er komið að því að reyna að hittast á ungfrú rvk, sem fer fram á broadway 12.apríl

Hjördís ætlar að pimpa miða frá Elínu þannig að þær sem hafa áhuga endilega commenta hérna fyrir neðan svo við getum kippt frá miða fyrir ykkur.

 kveðja,

Þórdís B

 

Sælar skvísur.....

Þessi síða er ekki alveg að virka eins og hún átti...... en þetta var ágætis tilraun!

Mér var bara hugsað til ykkar þar sem ég held að prufurnar fyrir 2007 árgerðina séu þessa dagana. Ekki seinna vænna en að skella sér aftur í bikiníið og taka drekaskóna með og bruna upp á Broadway og reyna aftur! hehehe

Ég allavegana þyrfti á world class prógramminu að halda núna eftir jólin þó að ég myndi kannski ekki nenna að standa í öllu hinu........ nema þið kæmuð með.

Annars langaði mig bara að segja gleðilegt ár og hafið það gott dúllurnar mínar og ég átti líka ða skila kveðjur frá Vivian en ég hitti hana í Zöru í Hannover í Þýskalandi af öllum stöðum og hún var bara mjög kát með sínum manni í Deutschald.

kv. Hjördís María

Allavega síðan iss....

Er einhver fýlingur fyrir hitting?

Ætla einhverjar á Hr. Ísland?

Endilega segið mér fréttir... veit reyndar að Steina Dröfn er búin að eignast erfingja, innilega til hamingju!

Sjáumst..

Freyja

Hæ, hæ og takk fyrir síðast skvísur Rosalega gaman að hitta ykkur

Slúður og bankamál voru heitustu umræðuefni kvöldsins! hehe... En mætingin mætti alveg vera betri! Stefnum á það næst!

Steina, til hamingju með bumbubúann

Kv. Freyja

Jæja, þá er sumarið loksins komið, sólin skín og allt í tómri hamingju!  

Hamingjan heldur svo áfram því nú er komið að Ungfrúar grill-partýinu. ÞAÐ ER Á MORGUN!!! ...Og það virðist ætla að verða sama brjálaða mætingin og venjulega! 

Við rétt slefum í það að vera FAB 5! – hvað er þetta, stúlkur? Erum við Ásthildur svona leiðinlegar að það nennir engin að mæta fyrist við komum..... er það málið???

Það er svo aðeins búiðað breyta planinu þar sem við vissum ekki hvort að við yrðum bara 3 eða eitthvða svo við ætlum að sleppa grillinu og hafa bara venjulegt partý sem hefst stundvíslega kl. 21:00 hjá Ásthildi. Reynum nú allar að mæta snemma svo við höfum einhvern tíma til að spjalla áður en við förum niður í bæ.... líka þú Brynja!

En þeir sem eru búnir að tilkynna mætingur eru:

Ásthildur (enda partýið heima hjá henni svo hún kemst ekki upp með annað en að mæta)
Hjördís María,
Þórdís Björg,
Steina,
Fjóla (kemur seint)

Freyja kemst því miður ekki!

 Hvað með ykkur hinar?????? Nennið þið að skrifa í kommentin hvort að þið komið eða ekki svo við höfum einhverja hugmynd um það hvað margir koma.

Sjáumst í gleðinni á morgun!

Dísa skvísa!

 

Jæja, þá er komið að hittingi okkur íðilfögru meyja! Ég, Ásthildur, mun verða gestgjafi ykkar þetta kvöldið og varð föstudagurinn 21. júlí fyrir valinu. Klukkan 18 er áætlað að gleðskapurinn byrji og hvet ég allar til þess að mæta með eitthvað á grillið. Við munum svo vera með sameiginlegt meðlæti og munum við þá leggja í púkk fyrir því. Nú er um að gera að troða sig út af grillmat, snakki, nammi og ekki síst áfengi... enginn dómari að fara að glápa á rassabossana okkar núna, ónei! Þannig að það verður bara sukk í hæsta gæðaflokki

En til þess að lista þetta niður í einföld atriði þá er þetta það helsta...

• Partý
• 21. júlí
• Heima hjá Ásthildi Gunnarsdóttur
• Langholtsvegi 54, 104 Rvk.
• Tímasetning: á slaginu 18...
• Grill, djamm og djús...

Kv, partýstelpan...

Sælar skvísur ,

Hvað segið þið mér af þessu partýi? Ásthildur..... er ekki bara spurning um að ákveða dagsetningu með nógu og miklum fyrirvara þannig að fólk hafi tíma til að taka daginn frá? Ég er allavegnana til í partý og mæti pottþétt!  

Annars gengur lífið mun betur hjá mér þessa dagana og ekkert biturleikahorn sem þið fáið að heyra núna.  Lífið er dans á rósum and I am happy as a HIPPO!  (Og líkist einum reyndar alveg skuggalega mikið líka hehehe! )

 

Ég var svo að segja upp í vinnunni þar sem mín er bara að fara að setjast aftur á skólabekk núna í haust. Jibbý..... B.S. gráða nr. 2 here I come!  Ég er semsagt að fara að klára viðskiptafræðina núna. Þar sem ég tók viðskiptafræði sem aukagrein með ferðamálafræðinni á sínum tíma þá fæ ég svo mikið af því námi metið inn í viðskiptafræðina að ég er bara hálfnuð með B.S. gráðuna nú þegar sem er alls ekki slæmt. Svo er það bara spurning um að fara svo í masterinn í Ástralíu vorið 2008..... en það er seinni tíma pæling.

En jæja krúttin mín, ég ætla að kveðja í bili og við sjáumst vonandi fljótelga í partýi.

Bless bless

 

 

 Hjördís María

Þar sem e-mail kerfið á milli mín og Ásthildar virðist ekki virka hef ég ekkert komist til að skrá mig inn en þar sem ég hitti hana í Smáralind á þriðjudaginn og Kringlunni á miðvikudaginn er þetta komið í lag! Hmmm... tilviljun að hittast óvænt í búðum á sitthvorum staðnum tvo daga í röð! Gaman að sjá þig samt skvísa Alltaf jafn sæt og í formi!!

Annars er alltaf það sama að frétta af mér, vinna, vinna, meiri vinna og skóli... og mótókross! Jábbs, ég er sko á fullu í því! Og stelpur, þetta er það skemmtilegasta ever! Ég á hjól og allan búnað og keypti mér bíl með krók! Skelli svo bara hjólinu upp á kerru, aftan í bílinn og bruna í brautirnar! Er farin að keppa og alles

Þetta er hrikalega erfitt en samt gaman...

Ég er að vinna á leikskóla, læra aðstoðarleikskólakennara (útskrifast um jólin) og er með 2 fötluð stuðningsbörn um helgar. Nóg að gera hjá mér... enda líka flutt af heiman og bý ein í Salahverfinu í Kópavogi! ELSKA AÐ BÚA EIN vantar bara einhvern til að hita rúmið! hehe... en hrakfallasögur mínar þar eru svo grófar að ég þori ekki einu sinni að skrifa þær niður en þær verða oft að bröndurum á djamminu! fjúff!

En ég vona að fleiri fari að skrifa "ævisögur" svo maður geti nú fylgst með

Sjáumst sem fyrst! (vonandi að mætingin verði betri en áður)

Kv. Freyja

jæja ætli mar stingi ekki einni færslu svona inna á þetta blessaða blogg svona til að sýna eitthverja virkni

Hjördís ... þetta eindæmis óheppni hlýtur bara að vera undanfari eitthver góðs.. nema kannski þetta sé ár ólukkunar.. enda hefur mér sjálfri ekki fundist árið hafa byrjað með góðu!

Af mér er nú ekki mikið að frétta annað að ég er enn þá í köben í CBS, að klára annað árið af 3 í bs-num í hagfræðinni minni og heimspekinni.. orðin alveg alfróð um siðfræði og móral heheh! Enda nýbúin að skila af mér 70síðna verkefni um corporate social responsability (csr) þar sem Novo Nordisk var tekið sem case. Búin að vera annsi upptekin af skólanum enda stofnaði handboltaklúbb og hóstaði ráðstefnu.. m.a.

Núna á ég bara eftir að verja verkefnið mitt og þá er ég komin til Íslands..Jeij! þar sem ég ætla eimitt að vera í sumar.. Mér var boðin vinna í Landsbanknum sem ég ákvað að taka enda ekki slæmt að vera með eitthverja námstengda starfsreynslu. Þannig ég kem 27 júní og verð heima til 22 ágúst þegar ég fer til Minneapolis þar sem ég mun taka 5önnina mína í skiptinámi hjá Carlson School of Management, (business-skólinn hjá University of Minnesota)

svo er bara landsmótið hjá hestmönnunum og eyjar komið á skemmtidagskránna...eins og Hjördís var að tala um .. þá ættum við kannski að smala saman í eitthverja reunion með bleikum drykkjum og miklu áfengi

annars þá langaði mig að óska henni Heiðu okkar .. sem greinilega er að gera það gott með að halda sér í formi og vera sæt, með að vera silfur prada prinsessa !

Hæ,hó!

Ég er sko aveg sammála þér Ásthildur mín, ég vil ekki að þessi síða deyi í fæðingu.... Ef illa fer þá verður þetta bara persónuleg bloggsíða fyrir okkur tvær þar sem við virðumst vera þær einu sem skrifa á þetta blogg Ef einhverjar ykkar eruð enn að pæla hvernig þið komist inn á þetta þá er Ásthildur búin að skrifa leiðbeiningarnar í comment við einhverja færsluna hérna á undan.

Af mér er annars bara allt slæmt að frétta eða þannig..... óheppnin virðist elta mig á röndum þessa dagana og það virðist bara ekkert gagna upp hjá mér. Svo ef einhver ykkar ber ábyrgð á þessum óförm mínum þá bið ég viðkomandi vinsamlegast að hætta að hugsa illa til mín... þetta er komið nóg! Þessi óheppni/klaufaskapur byrjaði fyrir ca. 2 vikum, nánar tiltekið á kosningadaginn og hefur haldið áfram síðan. Ég er ekkert að grínast með þetta, það er allt í volli í vinnunni og svo er hér að neðan bara rétt topp 10 listinn yfir pirrandi og dýra hluti sem hafa komið fyrir mig á síðustu 2 vikum.

1. Ég varð lasinn
2. læsti mig úti
3. braut gleraugun mín (30.000 kall farinn þar )
4. datt í Úlfljótsvatn
5. þurfti að keyra hvalfjörðinn á leiðinni Norður þar sem göngin lokuðust 5 mín. áður
    en ég kom að þeim
6. það var dauðsfall í fjölskyldunni
7. Ég keypti mér maskara og augnskugga og skildi það óvart eftir á kassanum og svo
    var einhver búinn að stela þessu þegar ég kom tilbaka
8. Ég reif uppáhalds buxurnar mínar
9. var tekin af löggunni (annar 30.000 kall farinn þar )
10. og fékk stöðumælasekt

Án gríns finnst ykkur þetta sanngjarnt, ég bara spyr? .... En ég held að þetta hafi allt klárast á laugardaginn, ég a.m.k. rétt vona það, ég hef ekki efni á meira svona veseni. En allavegnana dúllurnar mínar, biturleikahorni Hjördísasr er lokið í bili og ég vona að einhver ykkar hafi skemmtilegri sögu að segja en ég!

bless í bili HMÓ

Jæja, ég ákvað nú bara að smella inn svona eins og einni bloggfærslu... bannað að láta síðuna deyja í fæðingu. Nú er víst komið sumar (reyndar ekki ef maður tekur mið af blessuðu veðrinu) og tími til þess að sletta úr klaufunum, vinna sér inn smá pening fyrir veturinn og njóta lífsins.

Ég er að vinna í Sparisjóði Vélstjóra sem staðsettur er í Borgartúni (á móti Höfða) og líkar mér mjög vel í vinnunni. Á föstudaginn var konukvöld í vinnunni sem heppnaðist geðveikt vel, en hjálpartækjakynning frá Adam og Evu sló heldur betur í gegn Það var frekar fyndið að sjá konur á aldrinum 35-50 (svona vel flestar) uppgötva þennan heim, en það fór nánast enginn tómhentur heim þetta kvöldið.

Á milli þess sem ég er í vinnunni og sofandi, þá er maður bara að hitta vini og vandamenn og er ég óðum að endurheimta vinina frá útlöndum, en það virðist sem svo að einhver útþrá hafi gripið um sig meðal fólks. Ég ætla þó að bíða með það þangað til í haust að skreppa til útlanda, en þá er í plönunum stelpuferð til Köben með Þórdísi vinkonu minni. Svo reynir maður að vera duglegur við strandblakið, enda væri það nú slæmt að missa allt niður um sig í blakinu vegna sumarleyfis... það dugar ekkert minna næsta vetur, en að endurtaka sigurgöngu síðasta vetrar (þar sem Íslands- og bikarmeistaratitli var landað). Vonandi gengur það bara eins og í sögu. Samt væri maður alveg til í að geta spókað sig á stuttbuxum og bol í strandblakinu, en í síðustu viku var ég í flíspeysu, síðum buxum, með trefil og eyrnaband... not exactly beach like Svona er víst Ísland í dag.

Svo má ekki gleyma djamminu, en planið er að skemmta sér konunglega í sumar!

Ég vil svo bara hvetja ykkur allar til þess að koma með innlegg hérna inn (má alveg vera jafn boring og ég um mig frá mér til mín færslurnar sem ég virðist oftar en ekki enda í).

Kv, Ásthildur (kennd við Gunnar)

Langaði bara að prófa dúllurnar mínar

Ég sem sagt kemst inná þetta

Sælar beauties!

Þá er komið að því Ungfrú Ísland á morgun. Ég er komin með 11 miða svo það ættu allir sem vilja að geta komið með. Við ætluðum að hittast á undan á kaffi Oliver kl. 20:15 og þær sem vilja geta fengið sér eitthvað gott að borða en þær sem vilja það ekki geta bara fengið sér bjór eða eitthvað. Endilega mæta tímanlega ef þið ætlið að fá ykkur eitthvað!

Hverjar ætla að mæta á Oliver og hverjar bara beint á keppnina? Láta vita hvða þið ætlið að gera!!! Ég ætla ekki að vera þarna ein eins og bjáni ef enginn ætlar að mæta ... þá hitti ég ykkur bara í anddyrinu á Broadway, húsið opnar 21:30.

Sjáumst sætu!

Kv. Hjördís María

Jæja þá er komið að næsta hittingi en það er hópferð á Ungfrú Ísland 2006. Koma svo stelpur við verðum allar að mæta....... við getum öfundað þær fyrir að fá að dansa svona mikið, veðjað um úrslitin, séð kjólinn frá Tyson, verið með dólgslæti og ég veit ekki hvað og hvað.

Þær sem ætla pottþétt að koma eru: Ég, Ásthildur², Þórdís og Freyja. Ég heyrði í Aðalheiði og hún var að velta því fyrir sér að koma og þá líklega Brynja með henni. Svo geri ég fastlega ráð fyrir því að Karen verði á svæðinu þar sem frænka hennar er að keppa og örugglega Sigrún þó hún verði líklega ekki með okkur heldur eitthvað að stússa fyrir Skja einn eða Elínu. Það er þá spurning með ykkur sem eruð á klakanum og ekki búnar að láta vita, Ástrós, Ása, Ingibjörg, Steina og Tinna... ætlið þið að koma með? (Það er svo líka spurning hvort að þær viti af þessari síðu, er einhver búinn að tékka á því?? )

Eigum við að gera eitthvða skemmtilegt á undan eins og við gerðum fyrir Ungfrú Reykjavík eða bara hittast á staðnum? Væri ekki gaman að hittast aðeins á undan og slúðra? Mér datt í hug að við myndum bara hafa þetta eins og síðast og fá okkur eitthvað að borða á undan. Hvað segið þið um það? Viljið þið fara aftur á Vegamót eða eigum við að skella okkur á Oliver? Við getum þess vegna farið á Ask en hann er náttla mjög nálægt Broadway svo það er ekki langt að fara eftir matinn?

Byrjar keppnin ekki kl.22:00?? Ef hún gerir það þá hlítur húsið að opna 21:30 og þar sem við erum nú ekki stundvísasti hópurinn á landinu er þá ekki ágætt að hittast kl.19:30. Þá höfum við tvo tíma til stefnu og þá er vonandi stærstur hlutinn mættur kl.20:00 Hvað segið þið um það? 

Þórdís það er þá spurning hvort að þú reynir ekki að redda ca. 12 miðum. Það ætti held ég alveg að vera nóg þar sem það nægir fyrir okkur öllum sem eru á landinu mínus Karen og Sigrún en ég er nánast pottþétt á því að þær verða þarna ... þá erum við ekki að taka allt of mikið af miðum. 

Allar svo að reyna að koma þessari síðu á framfæri við þær sem ekki eru búnar að kommenta á hana. Svo þurfa nú fleiri en ég og ásthildur að fara að skrifa hérna….. þetta átti ekki að vera eitthvða einkablogg okkar Ásthildar.  Segið okkur frá því sem þið euð búnar að vera að gera síðustu 2 árin, búsetu, hjúskaparstöðu o.sfrv. o.s.frv.

En þetta er nóg kjaftæði frá mér í bili……. Sjáumst hressar næsta miðvikudag.

Kv. Hjördís María

Jæja elsku bjútísveppirnir mínir!

Ég, Ásthildur, ætlaði nú að vera löngu búin að smella einhverju hérna inn, var meira að segja búin að lofa Hjördísi að semja eitthvað ruglumbull til þess að birta hér, en eins og sumir vita (og/eða muna) þá er nú aldrei langt í bullið á mínum bæ En ég er nú bara upptekin við að vera fátækur námsmaður í stjórnmálafræði, fimleikaþjálfari og ofurblakari (nýkrýndur Íslandsmeistari í blaki hér á ferð). Þess á milli sinnir maður vinum og vandamönnum af alúð og reynir að skella sér á einstaka tjútt. Nóg um mig, en það væri gaman ef að þið mynduð smella inn smá preview af því sem að þið eruð að bralla.

Ég er svo græn að ég er nánast ekki með nein e-mail, en öll netföng og símanúmer urðu eftir á Verzló póstinum mínum sem að er fyrir löngu lagstur inn á elliheimili og orðinn óstarfhæfur. Þess vegna væri frábært að fá e-mailin hjá ykkur í comments svo að það sé hægt að bæta ykkur við stjórnkerfið hérna.

Núna á síðustu keppni komu upp skemmtilegar hugmyndir um að skella sér bara aftur í keppnina, taka svona "Helgu Dýrfinnu comeback" á þetta... Þetta er ágætis hugmynd í sjálfu sér og væri maður alveg til í að taka þátt í svona flippi, en ég held að ég myndi seint taka aftur þátt í svona, enda ekki alveg minn tebolli og er ég ekki frá því að fröken Dísa í World Class myndi ekki kæra sig um annað stk. af Ásthildi, a.k.a. "ég fer sko ekki í megrun". Ætli hún yrði ekki gráhærð á staðnum En við Hjördís hlógum nú mikið að þessari hugmynd og væri ég alveg til í að sjá svipinn á þeim þegar hópur af föllnum fegurðardísum myndi mæta á Broadway til að fara í prufu! Sjáum til með það...

En eins og Hjördís kom inn á í færslunni sinni, þá er þetta góður staður til þess að fá útrás fyrir biturleika, aukakíló o.fl. Mér þykir nú bara vænt um mín kíló og hef varðveitt þau af mikilli alúð. Það er neflinlega svo sniðugt að fara í svona keppni og sleppa "grenningarpartinum" og þá fitnar maður ekkert eftir keppnina, mjög hagkvæmt

En nóg komið að þvaðri, ég ætla að skella hérna inn linkum á bloggsíðurnar okkar og myspace síðum ef að einhverjar eru í þeim bransanum. Ég er með slóðirnar að síðum hjá Þórdísi, Fjólu, Freyju, Matthildi og Karen. Ef einhverjar aðrar eru með síður eða vitið um einhverjar aðrar, þá endilega smella þeim inn hérna í comments. Svo væri frábært ef einhverjar eiga myndir af keppninni einhvers staðar í pokahorninu. Myndavélin hjá mömmu og pabba varð batteríslaus 10 mín eftir að þau mættu á Broadway... good timing Hjördís lenti svo í álíka veseni með sína vél, þar sem að slatta af myndunum eyddust út af vélinni. Það mætti því halda að manni væri ekki ætlað að eiga myndir af þessu!

Ég ætla ekki að hafa þetta lengra að þessu sinni, enda orðið að ágætri langloku. Ætla ekki allar sem eru á landinu að mæta á Ungfrú Ísland? Vonandi er Þórdís til í að taka það að sér að hafa samband við Elínu og fá miða, eins og hún gerði svo snilldarlega fyrir Ungfrú Reykjavík um daginn

Kv, Ógeðisbarnið